Төтенше жағдай кезінде қылмыс төмендеген

01 сәуiр 2020 Версия для печатиВерсия для печатиPDFPDF

Ресми мәліметтерге сәйкес Шымкент қаласының аумағында СOVID-19короновирусын жұқтырған 3 жағдайы тіркелген.

Короновирустың пандемиясына сәйкес республикамыздың кейбір аймақтарында ұрлық пен мүлікке қатысты өзге де қылмыстардың өскендігі туралыБАҚ-да ақпараттар таратылған еді.

Осыған байланысты Шымкент қаласының прокуратурасы елімізде төтенше жағдай жарияланғалы, яғни осы жылдың 15-ші наурызы мен 31-ші наурыз аралығында өткен жылмен салыстырғанда қылмыстылық 23%-ға төмендегенін хабарлайды.  

Жеке меншікке қарсы қылмыстардың барлық түрлері төменгені байқалады.

Атап айтқанда, жалпы ұрлық 43, оның ішінде пәтер ұрлығы 57, ұялы телефон ұрлығы 41, тонау 50, қорқытып алу 80%-ға азайды.

Бұзақылықтардың орын алуы 78% төмендеп, сәйкесінше қоғамдық орындарда және көшелерде жасалған қылмыстар да азайған.  

Бұл қылмыстардың көпшілігі ізі суытылмай ашылуда.

Сондай-ақ, жол-көлік оқиғалары мен оның салдарынан жарақат алғандардың саныда 10%-ға төмендеген.

Осы статистикалық көрсеткіштер профильді қызметтердің төтенше жағдай кезінде қылмыстылықпен күресудегі атқарып жатқан оңды жұмыстарының нәтижесі екендігін атап өту қажет.

Қаламыздағы қылмыстылық жағдайын хабарлай отыра, қала прокуратурасы барлық тұрғындарды короновируспен күресу барысында уәкілетті және мемлекеттік органдардың талаптарын қатаң сақтап, төтенше жағдай біткенше оқшаулануға шақырады.   

 

Шымкент қаласының прокуратурасы